• 2011-01-05

    تاتارستان پرېزىدېنتې رۆستەم مىڭنېخانوۋ تاتارىستان خالقېن ياڭا ئېل بىلە ن قوتلادې - [تاتار خەۋەرلىرى]

    版权声明:转载时请以超链接形式标明文章原始出处和作者信息及本声明
    http://www.blogbus.com/tatar-logs/96759271.html

    تاتارستان پرېزىدېنتې رۆستەم مىڭنېخانوۋ تاتارىستان خالقېن ياڭا ئېل بىلە ن قوتلادې

     

     

    رېسپۇبلىكا باشلېگې ئۇڭېشلار، غاىلە بەخېتې، ئىمىنلېك ھەم نېكلې سەلامەتلېك تېلى



    (قازان، 31 دېكابىر، “تاتار-ئىنفورم”). تر پرېزىدېنتې رۆستەم مىڭنېخانوۋ ياڭا ئېل ئۇڭاېننان تاتارىستان خالقېنا مۆرەجەغات بىلەن چېقتې.
    “خۆرمەتلې ۋاتانداشلار! 2010 ئېل ئىندې تارىخقا كېرېپ بارا. ئۇل مىنېم ئۆچېن پرېزىدېنتلېك ۋازىفاسېنا كېرېشۈ ئېلې بۇلاراك تا ئىستە قالدې. تاتارىستان پرېزىدېنتې بۇلاراك، رېسپۇبلىكانې ئالغا تابا ئۈستېرۈ ھەم خالېقنېڭ تورمېشېن ياخشېرتۇنې تۆپ بىرېچېم دىپ سانېيم.
    2010 ئېلدا بېز تۆپ سوسىالپروگراممالارنېڭ ئۈتەلېشېنە ئىرېشتېك. خۆرمەتلې ۋېتېراننارېبېز ھەم كۈپ كېنە غاىلەلەر ياڭا ئېلنېياڭا فاتىرلاردا قارشېلېي. ياڭا تۇغان سابېيلار سانې ئارتا. سپورتچېلار، مەدەنىيات-سەڭات ئەھېللەرې، سەلەتلې بالالارېبېز ئۇڭېشلارې بىلەن شاتلاندېرېپ كىلە.
    ئۇزېپ بارۇچې ئېلدا ئىقتىسادى ئۈسېش كۈزەتېلدې، خېزمەت بازارېندا دا خەل ياخشېردې.
    نېفتچېلەرېبېز ياخشې نەتىجەلەرې بىلەن سۆېندېردې. ئۇزېپ بارۇچې ئېلدا تانېكو كومپلېكسېنېڭ بېرېنچې چىراتې سافكا باسۇ نېفتь خىمىياسې ئۈسېشېندە ياڭا چورنېڭ باشلانۇېن ئاڭلاتا. بۇ فېدېرال ئۆزەك بىلەن رېسپۇبلىكانېڭ نەتىجەلې، بېردەم خەرەكەت ئۈرنەگې بۇلېپ تورا. رېسپۇبلىكابېز ئىلنېڭ ئاۋتوموبىل تۆزۈچې ئۈزەكلەرېنېڭ بېرسې بۇلاراك تا ستاتۇسېن ئېزلېكلې رەۋېشتە نېگېتا بارا.
    رېسپۇبلىكادا IT سېكتورې ئاكتىۋ فورمالاشا بارا. تۆزېلېش تارماغې بۆتېندۆنيا ئۇنىۋېرسىاداسېنا خەزېرلېك مەستئەلەلەرېن ئۇڭېشلې خەل ئېتە. توراك تۆزېلېشېن دە دەۋام ئىتتېرەبېز. قازانېشلار تۇرېندا سۆيلەگەندە، تىرەن سوسىال-ئىقتىسادى ئۈزگەرېشلەرگە دە ئىگتىبار ئىتەرگە كېرەك. سۈز بېرېنچې چىراتتا، يۇغارې بېلېم دەرەجەسېنە نىگېزلەڭەن ئىقتىسادنېڭ ئىننوۋاسىون مودېلېن تۆزۈ، ياڭا تېخنولوگىيالەر قۇللانۇ، دۆنيا ئىقتىسادېنا ئىنتېگراسىيالەنۈ تۇرېندا بارا.
    ئۇكېتۇچې ئېلېندا رېسپۇبلىكادا مەغارىفنې ئۈستېرۈ ستراتېگىياسې غامەلگە ئاشېرېلا باشلادې. تاتارستاندا يۇقارې تېخنولوگىيالې مېدىسىنا ئۇڭېشلې گېنا قۇللانېلېشقا كېرتېلە. بېز مەغارىفنې، فەننې ھەم سەلامەتلېك ساقلاۇنې رېسپۇبلىكا ئۈسېشېنېڭ ئىڭ ئەھەمىياتلې فاكتورېنا ئەيلەندېرېرگە تىېشبېز. چۆنكى خالېقنېڭ ياشەۈ سېيفاتې ئالارغا تۇرېدان-تۇرې بەيلې.
    خەزېر ئۈسېپ كىلۈچې بۇېڭا ئىگتىبار كۆچەيا. بالالار ھەم ياشلەر فىزىك ياقتان دا، رۇخى ياقتان دا سەلامەت بۇلېرغا تىېش. بۇ – كىلەچەگېبېزنېڭ نىگېزې. بالالار ھەم ياشلەرنېڭ فىزىك ھەم ئەخلاقېي سەلامەتلېگېن تەېمىن ئىتۈ دەۈلەت ھەم جەمغېياتنېڭ ئۆستېنلېكلې بىرېچلارېنېڭ بېرسې.
    ئانا تېلېن، مىللىي مەدەنىياتنې، گورېف-گادەتلەرنې ساقلېيبېز ھەم باېتابېز. قازان ھەرۋاقېت تاتارلارنې بېرلەشتېرۈچې ئۆزەك بۇلدې ھەم شۇلاي بۇلېپ كالاچاك.
    ئۇزېپ بارۇچې ئېل ئۆلې يۇبىلېيلار، ئىستەلېكلې ۋاقېيغالارغا دا باي بۇلدې: 2010 ئېلدا بۆېك جىڭۈنېڭ 65 ئېللېغېن، تاسسر تۆزېلۈنېڭ 90 ئېللېغېن بىلگېلەپ ئۈتتېك. ئالارنې بىلگېلەپ ئۈتكەندە ئىرېشېلگەن رۇخى كۈتەرېلېشنې كېلەچەكتە دە ساقلارغا كېرەك.
    دەۈلەت ھەم مۇنىسىپال ئىدارەنېڭ نەتىجەلېلېگېن كۈتەرۈگە زۇر ئىگتىبار بىرەبېز. ئالار خالېق مەنفەغاتلەرې ئۆچېن خېزمەت ئىتەرگە تىېش. كۈپتەن تۈگېل ئۇزغان مۇنىسىپال سايلاۇلار نەتىجەسېندە، ئېشلەرگە سەلەتلې جىرلې ئۈزىدارە ئورگاننارې فورمالاشتې.
    ياڭا ئېلدا رېسپۇبلىكا ئىل بىلەن بېرگە سەياسى ئۈسېشنېڭ مۆھىم چورېنا كېرە. روسسىيا فېدېراسىياسېنېڭ دەۈلەت دۇماسېنا دېپۇتاتلار سايلاۇ ئۇزاچاك. شۇشې ئۇك ئېلدا پرېزىدېنت سايلاۇ كامپانىياسې ستارت ئالا. تاتارستاندا بۇ سايلاۇلار لاېقلې ئۇزار دېگەن ئۆمېتتە كالام.
    قادېرلې دوستلار!
    ياڭا ئېلدا بېزنې مۆھىم ئېشلەر ھەم قېزېقلې ۋاقايغېالار كۆتە. بارېگېزغا دا ئۇڭېشلار، غاىلە بەخېتې، ئىمىنلېك ھەم نېكلې سەلامەتلېك تېلىم”، -دىېلە تر پرېزىدېنتې رۆستەم مىڭنېخانوۋنېڭ رېسپۇبلىكا خالېقېنا مۆرەجەغاتېندە.

     

    ТР Президенты Рөстәм Миңнеханов Татарстан халкын Яңа ел белән котлады

    Республика башлыгы уңышлар, гаилә бәхете, иминлек һәм ныклы сәламәтлек тели

    (Казан, 31 декабрь, “Татар-информ”). ТР Президенты Рөстәм Миңнеханов Яңа ел уңаеннан Татарстан халкына мөрәҗәгать белән чыкты.
    “Хөрмәтле ватандашлар! 2010 ел инде тарихка кереп бара. Ул минем өчен Президентлык вазифасына керешү елы буларак та истә калды. Татарстан Президенты буларак, республиканы алга таба үстерү һәм халыкның тормышын яхшыртуны төп бурычым дип саныйм.
    2010 елда без төп социаль программаларның үтәлешенә ирештек. Хөрмәтле ветераннарыбыз һәм күп кенә гаиләләр Яңа елны яңа фатирларда каршылый. Яңа туган сабыйлар саны арта. Спортчылар, мәдәният-сәнгать әһелләре, сәләтле балаларыбыз уңышлары белән шатландырып килә.
    Узып баручы елда икътисади үсеш күзәтелде, хезмәт базарында да хәл яхшырды.
    Нефтьчеләребез яхшы нәтиҗәләре белән сөендерде. Узып баручы елда ТАНЕКО комплексының беренче чираты сафка басу нефть химиясе үсешендә яңа чорның башлануын аңлата. Бу федераль үзәк белән республиканың нәтиҗәле, бердәм хәрәкәт үрнәге булып тора. Республикабыз илнең автомобиль төзүче үзәкләренең берсе буларак та статусын эзлекле рәвештә ныгыта бара.
    Республикада IT секторы актив формалаша бара. Төзелеш тармагы Бөтендөнья Универсиадасына хәзерлек мәсьәләләрен уңышлы хәл итә. Торак төзелешен дә дәвам иттерәбез. Казанышлар турында сөйләгәндә, тирән социаль-икътисади үзгәрешләргә дә игътибар итәргә кирәк. Сүз беренче чиратта, югары белем дәрәҗәсенә нигезләнгән икътисадның инновацион моделен төзү, яңа технологияләр куллану, дөнья икътисадына интеграцияләнү турында бара.
    Укытучы елында республикада мәгарифне үстерү стратегиясе гамәлгә ашырыла башлады. Татарстанда югары технологияле медицина уңышлы гына кулланылышка кертелә. Без мәгарифне, фәнне һәм сәламәтлек саклауны республика үсешенең иң әһәмиятле факторына әйләндерергә тиешбез. Чөнки халыкның яшәү сыйфаты аларга турыдан-туры бәйле.
    Хәзер үсеп килүче буынга игътибар көчәя. Балалар һәм яшьләр физик яктан да, рухи яктан да сәламәт булырга тиеш. Бу – киләчәгебезнең нигезе. Балалар һәм яшьләрнең физик һәм әхлакый сәламәтлеген тәэмин итү дәүләт һәм җәмгыятьнең өстенлекле бурычларының берсе.
    Ана телен, милли мәдәниятне, гореф-гадәтләрне саклыйбыз һәм баетабыз. Казан һәрвакыт татарларны берләштерүче үзәк булды һәм шулай булып калачак.
    Узып баручы ел олы юбилейлар, истәлекле вакыйгаларга да бай булды: 2010 елда Бөек Җиңүнең 65 еллыгын, ТАССР төзелүнең 90 еллыгын билгеләп үттек. Аларны билгеләп үткәндә ирешелгән рухи күтәрелешне киләчәктә дә сакларга кирәк.
    Дәүләт һәм муниципаль идарәнең нәтиҗәлелеген күтәрүгә зур игътибар бирәбез. Алар халык мәнфәгатьләре өчен хезмәт итәргә тиеш. Күптән түгел узган муниципаль сайлаулар нәтиҗәсендә, эшләргә сәләтле җирле үзидарә органнары формалашты.
    Яңа елда республика ил белән бергә сәяси үсешнең мөһим чорына керә. Россия Федерациясенең Дәүләт Думасына депутатлар сайлау узачак. Шушы ук елда Президент сайлау кампаниясе старт ала. Татарстанда бу сайлаулар лаеклы узар дигән өметтә калам.
    Кадерле дуслар!
    Яңа елда безне мөһим эшләр һәм кызыклы вакыйгалар көтә. Барыгызга да уңышлар, гаилә бәхете, иминлек һәм ныклы сәламәтлек телим”, -диелә ТР Президенты Рөстәм Миңнехановның республика халкына мөрәҗәгатендә.

    مەنبە: تاتارلار تورى

    分享到: